خیبرپختونخوا کے ضلع کوہاٹ کی تحصیل لاچی بازار میں دو مخالف گروپوں کے درمیان فائرنگ کا تبادلہ ہوا جس میں 4 افراد جاں بحق جبکہ 2 شدید زخمی ہوگئے۔
مقامی ذرائع نےبتایا ہے کہ فائرنگ واقعہ کے بعد ریسکیو ٹیموں نے کوئک رسپانس کا مظاہرہ کرتے ہوئے موقع پر پہنچ کر زخمیوں اور جاں بحق افراد کی نعشوں کو کے ڈی اے ہسپتال کوہاٹ منتقل کردیا۔
ریسکیو حکام کے مطابق کوہاٹ کی تحصیل لاچی بازار میں دو مخالف گروپوں کے درمیان فائرنگ کے نتیجے میں جاں بحق ہونے والوں میں حسن، ظاہر، غفور اور مامور شامل ہیں جبکہ زخمیوں کی حالت تشویشناک بتائی جارہی ہے۔
پولیس ذرائع نےتبایا ہے کہ یہ واقعہ بظاہر ذاتی دشمنی کا شاخسانہ معلوم ہوتا ہے، واقعہ کےبعد علاقے میں کشیدگی کی فضا ہے، جس کے کنٹرول کیلئے پولیس کی بھاری نفری تعینات کردی گئی ہے، جبکہ فائرنگ میں ملوث افراد کی گرفتاری کیلئے سرچ آپریشن جاری ہے
About the Author
